Mga minamahal kong San Juaneño, magkita-kita po tayo mamaya, May 12, 2026, 4:00PM, para sa Inauguration at Blessing ng ating Makabagong San Juan Inclusivity Hub sa Santolan Road. Ito po ay isang pasilidad para sa ating mga kababaihan, kabataan at nakakatanda kung saan maaari silang magsagawa ng kanilang mga programa at aktibidad.
Kabilang po sa mga pasilidad nito ang:
• Senior Citizen Center – isang social activity center para sa ating mga senior citizens na may mga programa para sa wellness, recreational activities, at community engagement;
• Youth Center – isang multi-purpose venue para sa leadership development, skills training, educational at recreational activities ng ating kabataan;
• Juan Space: A Community-Based Teen Center – isang youth-friendly safe space na nagbibigay ng health services, counseling, mental health support, at empowerment programs para sa adolescents;
• City Library – isang pampublikong aklatan na may access sa mga libro, computers, digital resources, research materials, at learning programs para sa lahat;
• Gender and Development (GAD) Office – tanggapan na nagsusulong ng gender equality, inclusivity, women empowerment, at gender-responsive programs sa lungsod;
• Women Crisis Center (Soon to Open) – isang 24/7 facility na magsisilbing pansamantalang tahanan at support center para sa mga victim-survivors ng violence against women at iba pang kababaihang nangangailangan ng proteksyon at tulong.
Ito po ay may total project allocation cost na ?49,979,550.41